കൃഷി വകുപ്പിന്റെ 'ഓണസമൃദ്ധി' പച്ചക്കറി ചന്തകൾ 17 മുതൽ
കൃഷി വകുപ്പിന്റെ' ഓണസമൃദ്ധി " നാടൻ പഴം ,പച്ചക്കറി ചന്തകൾ ഓഗസ്റ്റ് 17 മുതൽ 20 വരെ നടത്തും .സംസ്ഥാനത്ത് 2000 കർഷക ചന്തകളാണ് സജ്ജമാക്കുക .പ്രാദേശിക കർഷകരിൽ നിന്നു പൊതു വിപണിയിലെ സംഭരണ വിലയേക്കാൾ 10 ശതമാനം അധിക വിലക്ക് പച്ചക്കറികൾ സംഭരിച്ചു പൊതു വിപണിയെ അപേക്ഷിച്ചു 30 ശതമാനം വിലക്കുറവിൽ ഉപഭോക്താക്കൾക്ക് ലഭ്യമാക്കുമെന്ന് അധികൃതർ പറഞ്ഞു .കൂടാതെ ഉത്തമ കൃഷി മുറയിലൂടെ ഉത്പാദിപ്പിച്ച പച്ചക്കറികൾ പൊതു വിപണിയിലെ സംഭരണ വിലയേക്കാൾ 20 % അധിക വിലക്ക് സംഭരിച്ചു പൊതു വിപണി വില്പന വിലയിൽ നിന്ന് 10 % വിലക്കുറവിൽ ലഭ്യമാക്കാനും തീരുമാനിച്ചു.