16-09-2021
ⁿᵉʷˢ ᵘᵖᵈᵃᵗᵉ
➖➖➖➖➖➖➖➖➖➖
ഒല്ലൂര്‍ എസ്.ഐയെ കൊണ്ട് സല്യൂട്ട് ചെയ്യിപ്പിച്ച സുരേഷ് ഗോപി എം.പിയുടെ നടപടി വിവാദമായിരുന്നു. കണ്ടിട്ടും ജീപ്പില്‍ നിന്നിറങ്ങാതിരുന്ന എസ്.ഐയെ വിളിച്ചുവരുത്തിയാണ് സുരേഷ് ഗോപി സല്യൂട്ട് ചെയ്യിച്ചത്. പുത്തൂരില്‍ ചുഴലിക്കാറ്റ് ഉണ്ടായ പ്രദേശം സന്ദര്‍ശിക്കുന്നതിനിടെയാണ് സംഭവം.'ഞാന്‍ എം.പിയാ കേട്ടോ, മേയറല്ല. ഒരു സല്യൂട്ടാവാം. ശീലങ്ങളൊന്നും മറക്കരുത്' എന്നാണ് സുരേഷ് ഗോപി പറഞ്ഞത്. ഇതോടെ, എസ്.ഐ സല്യൂട്ട് അടിക്കുകയും ചെയ്തു.
ഇതോടെ പോലീസുകാര്‍ ആര്‍ക്കൊക്കെ സല്യൂട്ട് ചെയ്യണമെന്ന ചര്‍ച്ച വീണ്ടും സജീവമായി. താഴ്ന്ന റാങ്കിലുള്ളവര്‍ ഉയര്‍ന്ന റാങ്കിലുള്ളവരോട് ഏകപക്ഷീയമായി ചെയ്യുന്ന ആചാരമല്ല സല്യൂട്ട്. താഴ്ന്ന റാങ്കിലുള്ളവര്‍ സല്യൂട്ടടിക്കുമ്പോള്‍ ഉയര്‍ന്ന റാങ്കിലുള്ളവരും തിരിച്ച്‌ സല്യൂട്ടടിക്കും. എം.പി, എം.എല്‍.എ തുടങ്ങിയവര്‍ക്ക് സല്യൂട്ട് നല്‍കാന്‍ നിയമത്തില്‍ വ്യവസ്ഥ ഇല്ലെങ്കിലും പലപ്പോഴും ജനപ്രതിനിധികളെ ബഹുമാനിക്കുന്നതിനാലാണ് സല്യൂട്ട് നല്‍കാന്‍ പോലീസ് ഉദ്യോഗസ്ഥര്‍ തയാറാവുന്നത്.
*പൊലീസുകാര്‍ സല്യൂട്ട് ചെയ്യേണ്ടത് ഇവരെ*
രാഷ്ട്രപതി, പ്രധാനമന്ത്രി, ഉപരാഷ്ട്രപതി, ഗവര്‍ണര്‍, മുഖ്യമന്ത്രി, കേന്ദ്ര-സംസ്ഥാന മന്ത്രിമാര്‍
യൂണിഫോമിലുള്ള ജനറല്‍ ഓഫീസര്‍മാര്‍, മേലുദ്യോഗസ്ഥര്‍,
സുപ്രീംകോടതി, ഹൈകോടതി ജഡ്ജി,
യൂണിറ്റ് കമാന്‍ഡന്‍റുമാര്‍, ജില്ല കലക്ടര്‍, സെഷന്‍സ് ജഡ്ജ്, ഡിസ്ട്രിക് മജിസ്ട്രേറ്റ്, ദേശീയപതാക, വിവിധ സേനകളുടെ പതാക, മൃതദേഹം, സേനകളിലെ കമ്മിഷന്‍ഡ്, ഫീല്‍ഡ് റാങ്ക് ഉദ്യോഗസ്ഥര്‍
➖️➖️➖️➖️➖️➖️➖
*🌍പഞ്ചായത്ത് വാർത്തകൾ 𝓞𝓷𝓵𝓲𝓷𝓮 𝓜𝓮𝓭𝓲𝓪*