സഹകരണ സംഘങ്ങളിലെ വായ്‌പ്പാ തിരിച്ചടവ് മുടങ്ങുന്ന ഘട്ടത്തിൽ പലിശ കൂട്ടി വായ്‌പ പുതുക്കി നൽകുന്നതിനെതിരെ കർശന നടപടി സ്വീകരിക്കുമെന്ന് സഹകരണ വകുപ്പ് മന്ത്രി വി.എൻ .വാസവൻ നിയമസഭയിൽ പറഞ്ഞു.സഹകരണ സ്ഥാപനങ്ങളിലെ ഒറ്റത്തവണ തീർപ്പാക്കൽ ഒരു മാസം കൂടി നീട്ടി .ഐ .ടി സിനിമ ,ഡോക്യുമെന്ററി നിർമ്മാണം ,വ്യാപാരം തുടങ്ങിയ മേഖലകളിൽ യുവജനങ്ങൾക്കായി 29 സഹകരണ സംഘങ്ങൾ ആരംഭിച്ചതായും മന്ത്രി പറഞ്ഞു .സഹകരണ മേഖലയിലെ പ്രവർത്തനം മികവുറ്റതാക്കാൻ സഹകരണ വിജിലൻസ് ,സഹകരണ ഓഡിറ്റ് എന്നിവയിൽ കർശന വ്യവസ്ഥകൾ ഉൾപ്പെടുത്തും.സഹകരണ സ്ഥാപനങ്ങളിൽ നിന്നെടുത്ത വായ്പകൾക്ക് പലിശ മാത്രമായി തിരിച്ചടവ് പറ്റില്ല .മുതൽ തുക ഒരു വർഷത്തേക്ക് ഒഴിവാക്കുന്നത് സഹകരണ സ്ഥാപനങ്ങളുടെ പ്രവർത്തനങ്ങളെ ബാധിക്കുന്നതിനാലാണിത്എന്നും അദ്ദേഹം പറഞ്ഞു .സഹകരണ സ്ഥാപനങ്ങളിൽ നിന്നും വായ്‌പയെടുത്തവർക്ക് ഒറ്റത്തവണ തീർപ്പാക്കൽ പദ്ധതി നടപ്പിലാക്കി വരുന്നുണ്ട്.സഹകരണ സംഘങ്ങളിലെ ഓഡിറ്റ് വിവരങ്ങൾ ജനങ്ങൾക്ക് അറിയാൻ കഴിയും വിധം ഓഡിറ്റ് മോണിറ്ററിങ് ആൻഡ് ഇൻഫർമേഷൻ സിസ്റ്റം സി .ഡിറ്റ് സഹായത്തോടെ തയ്യാറാക്കും എന്നും മന്ത്രി വി .എൻ വാസവൻ പറഞ്ഞു .
