Curated by Sreejith S | Samayam Malayalam |
ഇന്ത്യയില്‍ എവിടെയും ആസ്തി സ്വന്തമാക്കാനുള്ള അവസാരമാണ് ഇ- ലേലം മുന്നോട്ടുവയ്ക്കുന്നത്. അതാത് സ്ഥലങ്ങളിലെ സര്‍ക്കാര്‍ നിശ്ചയിച്ചിരിക്കുന്ന അടിസ്ഥാനവില കണക്കാക്കിയാകും വസ്തുക്കളുടെ വില നിര്‍ണയിച്ചിരിക്കുന്നത്.
ഇന്ത്യയില്‍ എവിടെയും ആസ്തി സ്വന്തമാക്കാനുള്ള അവസാരമാണ് ഇ- ലേലം മുന്നോട്ടുവയ്ക്കുന്നത്. അതാത് സ്ഥലങ്ങളിലെ സര്‍ക്കാര്‍ നിശ്ചയിച്ചിരിക്കുന്ന അടിസ്ഥാനവില കണക്കാക്കിയാകും വസ്തുക്കളുടെ വില നിര്‍ണയിച്ചിരിക്കുന്നത്. വായ്പാ തുകയും കുടിശികയും തിരിച്ചുപിടിക്കുകയാണ് ബാങ്കിന്റെ ലക്ഷ്യം. ബാങ്ക് തന്നെയാണു മെഗാ ലേലത്തിന്റെ കാര്യം ട്വിറ്ററിലൂടെ വ്യക്തമാക്കിയത്.
ലേലത്തിന്റെ വിവരങ്ങള്‍
എസ്.ബി.ഐയില്‍ ഈട് നല്‍കി വായ്പ സ്വന്തമാക്കിയതും തിരിച്ചടവുകള്‍ മുടങ്ങിയതുമായ ആസ്തികാളണ് ലേലത്തിലുള്ളത്. കോടതി ഉത്തരവിനെ തുടര്‍ന്നു എസ്.ബി.ഐ. ജപ്തി ചെയ്തവയാണ് ഈ ആസ്തികള്‍. വളരെ സുതാര്യമായാകും ലേലം നടത്തുകയെന്നു ബാങ്ക് വ്യക്തമാക്കിയിട്ടുണ്ട്. സ്വത്തുക്കളുടെ പ്രസക്തമായ എല്ലാ വിശദാംശങ്ങളും ബാങ്ക് വെളിപ്പെടുത്തും. ആസ്തികള്‍ സ്വന്തമാണോ, പാട്ടത്തിനാണോ തുടങ്ങിയ വിവരങ്ങളും ഇതിലുണ്ടാകും. നിഷേപകര്‍ക്കും വീടുകള്‍ സ്വന്തമാക്കാന്‍ ആഗ്രഹിക്കുന്നവർക്കും മികച്ച അവസരമാണു കൈവന്നിരിക്കുന്നതെന്നു വ്യക്തമാക്കിയാണ് ബാങ്ക് മെഗാ ലേലത്തിന്റെ വിവരങ്ങള്‍ പ്രസിദ്ധീകരിച്ചിരിക്കുന്നത്.
ലേലവുമായി ബന്ധപ്പെട്ട സംശയ നിവാരണത്തിനു പങ്കെടുക്കാന്‍ ആഗ്രഹിക്കുന്നവര്‍ക്ക് ബാങ്ക് ശാഖകളെ സമീപിക്കാവുന്നതാണ്. വാങ്ങാന്‍ താല്‍പര്യമുള്ള വസ്തുക്കള്‍ അതാത് ബാങ്ക് ശാഖകളെ സമീപിച്ചു നേരിട്ട് കണ്ട് ബോധ്യപ്പെടാനും അവസരമുണ്ട്.